Bonyeza HAPA kudownload applicationi ya Bongojamii Blog kwenye simu yako ili kupata habari zetu Haraka
BONYEZA HAPA KU-DOWNLOAD
Abouyaaqoub, 22, anaaminika kuwa mafichoni
Dereva ambaye alishambulia watu kwa kuwagonga kwa gari na kuwaua watu 13 mjini Barcelona, huenda bado yuko hai, na mafichoni kwa mujibu wa polisi wa Uhispania.
Polisi wanamtafuta Younes Abouyaaqoub raia wa Morocco, ambaye anatajwa na vyombo vya habari kuwa mshukiwa.
Mwanamume mmoja ambaye alitajwa kuwa mshukiwa mkuu Moussa Oukabir 17, ni mmoja kati ya wanaume watano waliouawa na polisi baada ya shambulizi huko Cambrils magharibi mwa Barcelona.
Polisi wanasema kuwa washukiwa walikuwa wakipanga mashambulizi mengine.
Polisi watibua jaribio la pili la shambulio Uhispania
Walisema milipuko ya siku ya Jumatano kwenye nyumba katika mji wa Alcanar, uliwapokonya wapanga mashambulizi vifaa vya kutengeneza milipuko, kwa hivyo waliamua kufanya mashambulizi madogo wakitumia magari.
Abouyaaqoub, 22, aliishi mji wa Ripoll kaskazini mwa Barcelona. Watu watatu wamekamatwa mji wa Ripoll na mwingine huko Alcanar.
Oukabir awali alionekana kama mshukiwa mkuu lakini baadaye siku ya Ijumaa, mkuu wa polisi alikiambia kituo kimoja cha televiseni kuwa uwezekano kuwa alikuwa ndiye dereva ulikuwa mdogo.
(L-R) Moussa Oukabir, Said Aallaa, Mohamed Hychami and Younes AbouyaaqoubHaki miliki ya
Oukabir anashukiwa kwa kutumia stakabadjhi za nduguye kukodi gari lililotumiwa kufanya shambulizi la Barcelona na lingine ambalo lilitumika katika mji wa Vic kaskazini mwa Barcelona.
Mapema siku ya Ijumaa polisi waliwaua kwa kuwapiga risasi washambuliaji watano akiwemo Oukabir huko Cambrilis, baada ya wanaume hao kuendesha gari kwenda kwa wapita njia, na kumua mwanamke mmoja na kuwajeruhi watu wengine 6.
Bonyeza HAPA kudownload applicationi ya Bongojamii Blog kwenye simu yako ili kupata habari zetu Haraka
